Sehwag PX
ಎಲ್.ಐ.ಸಿ ಅಮೂಲ್ಯ ಜೀವನ್ II ಯೋಜನೆ
  • ಅತ್ಯುತ್ತಮ ಯೋಜನೆಗಳು
  • ಸುಲಭ ಹೋಲಿಕೆ
  • ತಕ್ಷಣದ ಖರೀದಿ

#Virukipolicy | T&C*

ಪ್ರೀಮಿಯಂ ಅನ್ನು ಹೋಲಿಕೆ ಮಾಡಿ

1

2

ಹುಟ್ಟಿದ ದಿನಾಂಕ
ಆದಾಯ
| ಲಿಂಗ

1

2

ದಯವಿಟ್ಟು ಇತರ ಮಾಹಿತಿಯನ್ನು ನಮೂದಿಸಿ
ಫೋನ್ ಸಂಖ್ಯೆ
ಹೆಸರು
ಇಮೇಲ್
ನಗರ

ಮುಂದುವರಿಯುವ ಮೂಲಕ ನೀವು ನಮ್ಮ ಟಿ & ಸಿ ಮತ್ತು ಗೌಪ್ಯತೆ ನೀತಿಯನ್ನು ಸ್ವೀಕರಿಸುತ್ತಿರುವಿರಿ

ಯಾರು ಕೇವಲ ಶುದ್ದ ಜೀವ ವಿಮೆಯನ್ನು ಬಯಸುತ್ತಾರೋ, ಅಂತವರಿಗೆ, ಎಲ್.ಐ.ಸಿ ಯು ಒಂದು ಶುದ್ದ ಜೀವ ವಿಮಾ ಯೋಜನೆ ಅಂದರೆ ಅಮೂಲ್ಯ ಜೀವನ್ II ಯೋಜನೆಯನ್ನು ಪರಿಚಯಿಸಿದೆ. ಈ ಯೋಜನೆಯು ಒಂದು ಶುದ್ದ ಜೀವ ವಿಮಾ ಯೋಜನೆ ಆಗಿರುವುದರಿಂದ, ಈ ಯೋಜನೆಯಡಿ ಪಾಲಿಸಿದಾರನ ನಾಮಿನಿಗೆ ಕೇವಲ ಮರಣಾನಂತರದ ಕವರ್ ಅಥವಾ ಮರಣಾನಂತರದ ಬೇನೆಫಿಟ್ಸ್ ಅನ್ನು ನೀಡಲಾಗುವುದು. ಅಂದರೆ, ಪಾಲಿಸಿದಾರನು ಅಮೂಲ್ಯ ಜೀವನ್ II ಪಾಲಿಸಿಯ ಟರ್ಮ್(ಅವದಿ) ಮುಗಿಯುವುದರ ಒಳಗೆ ಮರಣ ಹೊಂದಿದಲ್ಲಿ, ಎಲ್ ಐ ಸಿ ಯು ಆತನ ನಾಮಿನಿಗೆ ಮರಣಾನಂತರದಲ್ಲಿ ಒಂದು ಖಚಿತವಾದ ಮೊತ್ತವನ್ನು ನೀಡುವುದು.

ಆದರೆ, ಪಾಲಿಸಿದಾರನು ಈ ಆವದಿಯನ್ನು ಪೂರೈಸಿದಲ್ಲಿ (ಮರಣ ಹೊಂದದೇ ಇದ್ದ ಪಕ್ಷದಲ್ಲಿ), ಯಾವುದೇ ಮೇಚ್ಯುರಿಟಿ ಬೆನಿಫಿಟ್ ಆಗಲಿ ಅಥವಾ ಬದುಕುಳಿಯುವಿಕೆಯ ಬೆನಿಫಿಟ್ ಆಗಲಿ ಅಥವಾ ಪಾಲಿಸಿ ಮದ್ಯದಲ್ಲಿ ಆಗಲಿ ಅಥವಾ ಪಾಲಿಸಿ ಮುಗಿದ ನಂತರವಾಗಲಿ ಯಾವುದೇ ತರಹದ ಮೊತ್ತವನ್ನು  ಸ್ವೀಕರಿಸಲು ಅರ್ಹನಾಗುವುದಿಲ್ಲ.

ಅಮೂಲ್ಯ ಜೀವಮ್ II ವಿಮಾ ಯೋಜನೆಯು ಒಂದು non-participating ಹಾಗೂ non-linked ಯೋಜನೆ. ಅಂದರೆ, ಈ ಪಾಲಿಸಿಯು ಯಾವುದೇ ತರಹದ ಕಾರ್ಪೊರೇಷನ್ನಿನ  ಲಾಭದಲ್ಲಿ ಅಥವಾ ಯಾವುದೇ ಲಾಭ ಬರುವಂತಹ ಸಾದನಗಳಲ್ಲಿ ಬಾಗಿಯಾಗಿರುವುದಿಲ್ಲ. ಇದು ಮೇಲೆ ತಿಳಿಸಿದಂತೆ ಕೇವಲ ಒಂದು ಶುದ್ದ ಜೀವ ವಿಮಾ ಯೋಜನೆಯಾಗಿದ್ದು, ಪಾಲಿಸಿದಾರನು ತನ್ನ ಕುಟುಂಬದವರಿಗೆ ಹಾಗೂ ತನ್ನ ಮೇಲೆ ಅವಲಂಬಿತವಾಗಿರುವವರಿಗೆ ತನ್ನ ಆಕಸ್ಮಿಕ ಮರಣವಾದಲ್ಲಿ ಯಾವುದೇ ರೀತಿಯ ತೊಂದರೆ ಆಗದಿರಲೆಂದು ಮತ್ತು ಸಾದ್ಯವಾದಷ್ಟು ಅವರಿಗೆ ಆರ್ಥಿಕ ಸಹಾಯವಾಗಲಿ ಎನ್ನುವ ದೃಷ್ಟಿಯಿಂದ ತೆಗೆದುಕೊಳ್ಳಬಹುದಾದ ಒಂದು ಯೋಜನೆ.

ಅಮೂಲ್ಯ ಜೀವನ್ II ಯೋಜನೆಯು ಒಂದು ಆಫ್ ಲೈನ್ ಕೊಡುಗೆ ಆಗಿದ್ದು, ಇದನ್ನು ಪಡೆಯಲು ಇಚ್ಚಿಸುವವರು ಏಜೆಂಟ್ ಮೂಲಕವಾಗಲಿ ಅಥವಾ ಎಲ್.ಐ ಸಿ ಯ ಆಫೀಸು ಗಳ ಮೂಲಕ ಕೊಳ್ಳಬಹುದು.

ಅಮೂಲ್ಯ ಜೀವನ್ II ರ ಮೂಲಕ ನೀಡಲಾಗುವ ಮರಣಾನಂತರದ ಬೆನಿಫಿಟ್

ಒಬ್ಬ ಪಾಲಿಸಿದಾರನು ಈ ಯೋಜನೆಯ ಅವದಿ ಮುಗಿಯುವುದರ ಒಳಗೆ ಮರಣ ಹೊಂದಿದಲ್ಲಿ, ಆತನ ವಾರಸುದಾರರಿಗೆ ಅಥವಾ ನಾಮಿನಿಗೆ ಪಾಲಿಸಿಯ ಪ್ರಕಾರ ನೀಡಬೇಕಾಗಿರುವ ಒಂದು ನಿಗದಿತ ಮೊತ್ತವನ್ನು ಎಲ್ ಐ ಸಿ ಯು ನೀಡುತ್ತದೆ.ಈ ಯೋಜನೆಯಡಿ, ವಿಮಾ ಮೊತ್ತವು (sum assured) ಕನಿಷ್ಠ ರೂ 25 ಲಕ್ಷ ಇರಬೇಕಾಗುತ್ತದೆ. ಗರಿಷ್ಠ ಮೊತ್ತಕ್ಕೆ ಯಾವುದೇ ಮಿತಿ ಇರುವುದಿಲ್ಲ. ಪಾಲಿಸಿದಾರನು, ತನ್ನ ಅನುಕೂಲತೆಗೆ ತಕ್ಕಂತೆ ಮತ್ತು ತನ್ನ ಕುಟುಂಬದ ಆವಶ್ಯಕತೆಗಳನ್ನು ಗಮನದಲ್ಲಿಟ್ಟುಕೊಂಡು, ಪಾಲಿಸಿಯ ಗರಿಷ್ಠ ವಿಮಾ ಮೊತ್ತವನ್ನು ನಿರ್ದರಿಸಬಹುದು.

ಅಮೂಲ್ಯ ಜೀವನ್ II ರ ಅಡಿ ನೀಡಬೇಕಾದ ಕಂತುಗಳು

ಪಾಲಿಸಿದಾರರು ಈ ಅಮೂಲ್ಯ ಜೀವನ್ II ಯೋಜನೆ ಅಡಿ, ಕಂತುಗಳನ್ನು ನೀಡಲು ಎರಡು ರೀತಿಯಲ್ಲಿ ಅವಕಾಶವಿರುತ್ತದೆ. ಆರ್ದ ವರ್ಷಕ್ಕೊಮ್ಮೆ ಅಥವಾ ವರ್ಷಕ್ಕೊಮ್ಮೆ ಪಾಲಿಸಿದಾರರು ತಮ್ಮ ಕಂತುಗಳನ್ನು ಕಟ್ಟಬಹುದು. ಈ ಯೋಯಜನೆಯಡಿ ಮೂರು ತಿಂಗಳಿಗೊಮ್ಮೆ ಅಥವಾ ತಿಂಗಳಿಗೊಮ್ಮೆ ಕಂತು ಕಟ್ಟುವ ಅವಕಾಶ ಇರುವುದಿಲ್ಲ. ಆರ್ದ ವರ್ಷಕ್ಕೊಮ್ಮೆ ಕಟ್ಟುವ ಕಂತು ವರ್ಷಕ್ಕೊಮ್ಮೆ ಕಟ್ಟುವ ಕಂತಿಗಿಂತ 2 % ಹೆಚ್ಚಿರುತ್ತದೆ.

ಪಾಲಿಸಿದಾರನು ಕಟ್ಟುವ ಕಂತಿನ ಮೇಲೆ ಅನ್ವಯಿಸುವ ಸರ್ವೀಸ್ ತೆರಿಗೆಯನ್ನು  (service tax) ವಿದಿಸಲಾಗುತ್ತದೆ. ಪಾಲಿಸಿದಾರರು ಒಂದು ಬಾರಿ ಯೋಜನೆಯನ್ನು ತೆಗೆದುಕೊಂಡಲ್ಲಿ ಮತ್ತು ಸ್ವೀಕರಿಸಿದಲ್ಲಿ, ಪಾಲಿಸಿಯ ಅವದಿ ಮುಗಿಯುವವರೆಗೂ ಪಾಲಿಸಿಯಲ್ಲಿ ನಮೂದಿಸಿರುವ ಕಂತುಗಳಲ್ಲಿ ಬದಲಾವಣೆ ಮಾಡಲು ಅವಕಾಶ ಇರುವುದಿಲ್ಲ. ಅಂದರೆ ಪಾಲಿಸಿದಾರನು ನೀಡಬೇಕ್ಕದ  ಕಂತಿನಲ್ಲಾಗಲಿ ಅಥವಾ ಕಂತಿನ ಹಣದ ಮೊತ್ತದಲ್ಲಾಗಲಿ ಬದಲಾವನೇ ಇರುವುದಿಲ್ಲ.. ಸರ್ಕಾರವು ಯಾವ ಯಾವ ಸಮಯದಲ್ಲಿ ಸರ್ವೀಸ್ ಟಾಕ್ಸ್ ಅಂಶದಲ್ಲಿ ಬದಲಾವಣೆಯನ್ನು ಮಾಡುತ್ತದೋ ಅಂತಹ ಸಮಯದಲ್ಲಿ, ವಿಮಾ ಕಂತಿನ ಸರ್ವೀಸ್ ಟಾಕ್ಸ್ ಅಂಶದಲ್ಲಿ ಕೂಡ ಬದಲಾವಣೆ ಆಗುತ್ತದೆ. ಸರ್ವೀಸ್ ಟಾಕ್ಸ್ ನಲ್ಲಿ ಏರಿಕೆ ಆದಲ್ಲಿ ಅಥವಾ ಇಳಿಕೆ ಆದಲ್ಲಿ, ಕಂತಿನ ಬಾಬ್ತು ನೀಡಬೇಕಾಗಿರುವ ಒಟ್ಟಾರೆ ಮೊತ್ತದಲ್ಲೂ ಕೂಡ ಏರಿಕೆ ಹಾಗೂ ಇಳಿಕೆ ಆಗುತ್ತದೆ.

ವಯಸ್ಸಿನ ಅರ್ಹತೆ (age eligibility) ಹಾಗೂ ಪಾಲಿಸಿ ಅವದಿ(ಟರ್ಮ್)

ಪಾಲಿಸಿ ಟರ್ಮ್(ಅವದಿ)  ಎಂದರೆ ಪಾಲಿಸಿಯು ಎಲ್ಲಿಯವರೆಗೂ ಮಾನ್ಯತೆ ಹೊಂದಿರುತ್ತದೆಯೋ (ಇನ್ ಫೋರ್ಸ್) ಅಲ್ಲಿಯವರೆಗಿನ ಸಮಯ. ಅಮೂಲ್ಯ ಜೀವನ್ II ಯೋಜನೆಯ ಕನಿಷ್ಠ ಅವದಿಯು 5 ವರ್ಷವಿದ್ದು ಗರಿಷ್ಠ ಅವದಿಯು 35 ವರ್ಷವಿರುತ್ತದೆ. ಪಾಲಿಸಿದಾರನು ಒಂದು ವೇಳೆ ಈ ಯೋಜನೆಯು ಮುಗಿಯುವವರೆಗೂ  ಬದುಕಿದ್ದಲ್ಲಿ, ಈ ಯೋಜನೆಯನ್ನು ಮತ್ತೊಂದು ಆವದಿಗೆ (ಟರ್ಮ್) ನವೀಕರಿಸುವ (renewal) ಅಥವಾ ಮುಂದುವರೆಸುವ ಅವಕಾಶ ಇರುತ್ತದೆ. ಇದು ಪಾಲಿಸಿದಾರನ ವಯಸ್ಸಿನ ಮೇಲೆ ಅವಲಂಬಿತವಾಗಿರುತ್ತದೆ. ಅಂದರೆ ಪಾಲಿಸಿದಾರನ ವಯಸ್ಸು ಈ ಯೋಜನೆಯನ್ನು ಮುಂದುವರೆಸಲು ನಿಗದಿ ಪಡಿಸಿದ ವಯಸ್ಸಿನ ಒಳಗೆ ಇರಬೇಕು. ಅಮೂಲ್ಯ ಜೀವನ್ II ಪಾಲಿಸಿಯನ್ನು ಕೊಂಡುಕೊಳ್ಳಲು, ಪಾಲಿಸಿದಾರನಿಗೆ ಕನಿಷ್ಠ 18 ವರ್ಷ ವಯಸ್ಸಾಗಿದ್ದು, ಗರಿಷ್ಠ 60 ವರ್ಷದ ಒಳಗೆ ಇರಬೇಕು. ಅಮೂಲ್ಯ ಜೀವನ್ II ಪಾಲಿಸಿಯ ಪ್ರಕಾರ, ಇದರ ವಿಮೆಯು ಪಾಲಿಸಿದಾರನಿಗೆ 70 ವರ್ಷವಾಗುವವರೆಗೂ ಅಸ್ತಿತ್ವದಲ್ಲಿರುತ್ತದೆ. ಅದರ ನಂತರ ವಿಮೆಯು ಅಸ್ತಿತ್ವದಲ್ಲಿರುವುದಿಲ್ಲ.

ಒಬ್ಬ ಮನುಷ್ಯನಿಗೆ ನಿಯಮಿತವಾದ (ರೆಗ್ಯುಲರ್) ವರಮಾನವಿದ್ದಲ್ಲಿ ಅವನು ಅಥವಾ ಅವಳು ಅಮೂಲ್ಯ ಜೀವನ್ II ಯೋಜನೆಯನ್ನು ತೆಗೆದುಕೊಳ್ಳುವುದು ಒಳ್ಳೆಯದು. ಈ ಯೋಜನೆಯನ್ನು, ಸುಮಾರು 20 ನೆಯ ವರ್ಷಕ್ಕೆ ಆರಂಬಿಸಿ, 35 ವರ್ಷದ ಪಾಲಿಸಿಯನ್ನು ಕೊಂಡರೆ, 55 ನೆಯ ವರ್ಷಕ್ಕೆ ಪಾಲಿಸಿಯು mature ಆಗುತ್ತದೆ. ಮೇಲೆ ತಿಳಿಸಿರುವ ಪ್ರಕಾರ, 70 ವರ್ಷದವರೆಗೂ ಪಾಲಿಸಿಯನ್ನು ಮುಂದುವರೆಸುವ ಅರ್ಹತೆ ಇರುವುದರಿಂದ, ಸದರಿ ಪಾಲಿಸಿಯನ್ನು ಇನ್ನೂ 15 ವರ್ಷ ಮುಂದುವರೆಸಬಹುದು.

ಅಮೂಲ್ಯ ಜೀವನ್ II ರ ಕಂತಿನ ಹಣ (premium), ವಯಸ್ಸು ಹಾಗೂ  ಪಾಲಿಸಿ ಟರ್ಮ್ ಮ್ಯಾಟ್ರಿಕ್ಸ್(policy term matrix)

ಒಬ್ಬ ಪಾಲಿಸಿದಾರನು ನೀಡಬೇಕಾಗುವ ಕಂತಿನ ಹಣವು ಅವನ / ಅವಳ ವಯಸ್ಸು, ವಿಮಾ ಮೊತ್ತ ಹಾಗೂ ಅವದಿಯ ಮೇಲೆ ಅವಲಂಬಿತವಾಗಿರುತ್ತದೆ.

ವಿಮಾ ಮೊತ್ತ (sum assured) ಮತ್ತು ಕಂತಿನ ಹಣ (premium)

ವಿಮಾ ಮೊತ್ತವು ಹೆಚ್ಚಿಗಿದ್ದಲ್ಲಿ, ಕಂತಿನ ಹಣವು ಕೂಡ ಹೆಚ್ಚಾಗಿರುತ್ತದೆ.

ಒಬ್ಬ ಮನುಷ್ಯನು ಎಷ್ಟು ವಿಮಾ ಮೊತ್ತವನ್ನು ಆಯ್ಕೆ ಮಾಡಿಕೊಳ್ಳಬಹುದು?.

Thumb ರೂಲಿನ ಪ್ರಕಾರ, ಅವನು/ಅವಳು ಕಟ್ಟುವ ಕಂತಿನ ಮೊತ್ತವು ಅವನಿಗೆ /ಅವಳಿಗೆ ಬರುತ್ತಿರುವ ವಾರ್ಷಿಕ ಆದಾಯಕ್ಕೆ 1 % ಇರಬಹುದು. ಅಂದರೆ, ವಾರ್ಷಿಕ ಆದಾಯವು ಸುಮಾರು ರೂ 3,60,000 ಇದ್ದಲ್ಲಿ, ಪಾಲಿಸಿದಾರರು ಇದರ 1% ಅಂದರೆ ರೂ 3600 ರವರೆಗೂ ಕಂತಿನ ಮೊತ್ತವನ್ನು ನಿಗದಿಪಡಿಸಿಕೊಂಡು, ರೂ 25,00,000 ದ ವಿಮಾ ಮೊತ್ತವನ್ನು ಆಯ್ಕೆ ಮಾಡಿಕೊಳ್ಳಬಹುದು.

ವಯಸ್ಸು ಮತ್ತು ಕಂತುಗಳು

ಪಾಲಿಸಿದಾರನ ವಯಸ್ಸು ಹೆಚ್ಚಿದ್ದಷ್ಟೂ ಕಂತಿನ ಮೊತ್ತವು ಕೂಡ ಹೆಚ್ಚಾಗಿರುತ್ತದೆ. ಆದ್ದರಿಂದ, ಎಲ್ ಐ ಸಿ ಯು ಜನ ಸಾಮಾನ್ಯರಿಗೆ ನಿಮ್ಮ ವಯಸ್ಸು ಕಡಿಮೆ ಇದ್ದಾಗಲೇ ವಿಮಾ ಯೋಜನೆಯನ್ನು ಕೊಂಡುಕೊಂಡು, ಹೆಚ್ಚಿನ ವಿಮಾ ಮೊತ್ತಕ್ಕೆ ಕಡಿಮೆ ಕಂತಿನ ಹಣ ನೀಡುವ ಮೂಲಕ ಜೀವನದಲ್ಲಿ ಒಂದು ಭದ್ರತೆಯನ್ನು ಪಡೆದುಕೊಳ್ಳಿ ಎಂದು ಈ ಮೂಲಕ  ಸಲಹೆ ನೀಡುತ್ತದೆ.

ಎಲ್ ಐ ಸಿ ಅಮೂಲ್ಯ ಜೀವನ್ II – ಕಂತಿನ ವಿವರ

ಪಾಲಿಸಿ ಟರ್ಮ್

ಪಾಲಿಸಿದಾರನ  ವಯಸ್ಸು(ವರ್ಷಗಳು)

 

20

30

40

50

ಪ್ರತಿ ರೂ 1000 ಕ್ಕೆ ವರ್ಷಕ್ಕೊಮ್ಮೆ ನೀಡಬೇಕಾದ ಕಂತಿನ ಮೊತ್ತ

5

1.15

1,28

2.03

4.85

10

1.15

1,29

2.41

5.85

15

1.15

1.42

2.97

6.89

20

1.15

1.64

3.57

8.05

25

1.17

1.96

4.23

-

ಅಮೂಲ್ಯ ಜೀವನ್ II ಯೋಜನೆಯನ್ನು ಕೊಳ್ಳಲು ಬೇಕಾದ ಅರ್ಹತೆ (eligibility)

  1. ಪಾಲಿಸಿದಾರರ  ವಯಸ್ಸು ಕನಿಷ್ಠ 18 ವರ್ಷವಾಗಿರಬೇಕು
  2. ಪಾಲಿಸಿದಾರರ ವಯಸ್ಸು ಗರಿಷ್ಠ 60 ವರ್ಷದ ಒಳಗೆ ಇರಬೇಕು.
  3. ಪಾಲಿಸಿಯ ಅವದಿಯು (term) ಕನಿಷ್ಠ 5 ವರ್ಷ ಹಾಗೂ ಗರಿಷ್ಠ 35 ವರ್ಷಗಳು
  4. ಪಾಲಿಸಿದಾರರಿಗೆ 70 ವರ್ಷವಾದಾಗ ಪಾಲಿಸಿಯು ಸ್ತಗಿತಗೊಳ್ಳುತ್ತದೆ (ceases)
  5. ವಿಮಾ ಮೊತ್ತವು (sum assured) ಕನಿಷ್ಠ ರೂ 25,ಲಕ್ಷಗಳಿರಬೇಕು. ಗರಿಷ್ಠ ಮೊತ್ತಕ್ಕೆ ಯಾವುದೇ ಮಿತಿ ಇರುವುದಿಲ್ಲ.

ಅಮೂಲ್ಯ ಜೀವನ್ II ಯೋಜನೆಯಡಿ ಆದಾಯ ತೆರಿಗೆ ಬೆನಿಫಿಟ್

ಅಮೂಲ್ಯ ಜೀವನ್ II ಯೋಜನೆ ಅನ್ನು ಪಾಲಿಸಿದಾರರು ತೆಗೆದುಕೊಂಡಲ್ಲಿ ಆದಾಯ ತೆರಿಗೆ ಆಕ್ಟ್ ಸೆಕ್ಷನ್ 80 ಸಿ ಹಾಗೂ 10 ಡಿ ಯ ಅಡಿಯಲ್ಲಿ ತೆರಿಗೆ ವಿನಾಯತಿಗೆ ಒಳ ಪಡುತ್ತಾರೆ. ಪಾಲಿಸಿದಾರರು ನೀಡಬೇಕಾದ ವಾರ್ಷಿಕ ತೆರಿಗೆಯ ಒಟ್ಟು ಮೊತ್ತದಿಂದ ವಿಮಾ ಕಂತಿನ ಗರಿಷ್ಠ ರೂ 1,50,000 ಮೊತ್ತವನ್ನು  ಈ ಸೆಕ್ಷನ್ ಅಡಿಯಲ್ಲಿ ಕಳೆಯುವ ಅವಕಾಶವಿರುತ್ತದೆ. ಅಂದರೆ ವಾರ್ಷಿಕ ತೆರಿಗೆ ಮೊತ್ತದಲ್ಲಿ ಸಾಕಷ್ಟು ವಿನಾಯತಿಯನ್ನು ಪಡೆಯುವ ಅವಕಾಶ ಇರುತ್ತದೆ. ಇದರ ಜೊತೆಗೆ ಮರಣದ ನಂತರ ನೀಡುವ ವಿಮಾ ಮೊತ್ತವು ಕೂಡ ವಿನಾಯತಿ ಹೊಂದಿರುತ್ತದೆ.

ಅಮೂಲ್ಯ ಜೀವನ್ II ಯೋಜನೆಯಡಿ ಪೈಡ್ ಅಪ್ ಮೌಲ್ಯ

ಅಮೂಲ್ಯ ಜೀವನ್ II ಯೋಜನೆಯು ಎಷ್ಟೇ ವರ್ಷದ ಪಾಲಿಸಿಯಾದರೂ ಕೂಡ ಯಾವುದೇ ತರಹದ ಪೈಡ್ ಅಪ್ ಮೌಲ್ಯವನ್ನು ಹೊಂದಿರುವುದಿಲ್ಲ. ಅಂದರೆ ವಿಮಾ ಕಂತುಗಳನ್ನು ಸತತವಾಗಿ ನೀಡಿದ್ದಲ್ಲಿ ಕೂಡ (3 ವರ್ಷ ನೀಡಿದೆ ಎಂದು ಊಹಿಸಿದಲ್ಲಿಯೂ) ಪೈಡ್ ಅಪ್ ಮೌಲ್ಯ ಇರುವುದಿಲ್ಲ. ಪಾಲಿಸಿ ವಿಮಾ ಕಂತುಗಳನ್ನು  ಯೋಜನೆಯ ಸಂಪೂರ್ಣ ಅವದಿಯವರೆಗೂ ಮುಂದುವರೆಸಬೆಕಾಗುತ್ತದೆ.

ಅಮೂಲ್ಯ ಜೀವನ್ II ಯೋಜನೆಯಡಿ surrender ಮೊತ್ತ

ಅಮೂಲ್ಯ ಜೀವನ್ II ಯೋಜನೆಯು ಯಾವುದೇ surrender ಮೊತ್ತವನ್ನು ನೀಡುವುದಿಲ್ಲ. ಅಂದರೆ ಈ ಯೋಜನೆಯ ಅಡಿ ಪಾಲಿಸಿಯನ್ನು ಆವದಿಗೆ ಮುಂಚೆ  surrender ಮಾಡುವ ಅವಕಾಶ ಇರುವುದಿಲ್ಲ. ಹಾಗೆ ಮಾಡಿದರು ಕೂಡ ಯಾವುದೇ ಪ್ರಯೋಜನ ಇರುವುದಿಲ್ಲ.

ಮಾನ್ಯತೆಯನ್ನು ಕಳೆದು ಕೊಂಡಿರುವ (lapsed) ಅಮೂಲ್ಯ ಜೀವನ್ II ಯೋಜನೆಯನ್ನು ಪುನರುಜ್ಜೀವನ (revival) ಗೊಳಿಸುವಿಕೆ

ಪಾಲಿಸಿದಾರರು ಅವರು ಕಟ್ಟ ಬೇಕಾಗಿರುವ ಕಂತುಗಳನ್ನು ಸರಿಯಾದ ಸಮಯದಲ್ಲಿ ಮತ್ತು grace period ನಲ್ಲಿಯೂ ಕೂಡ ಕಟ್ಟದಿದ್ದಲ್ಲಿ, ಅವರ ಅಮೂಲ್ಯ ಜೀವನ್ II ಯೋಜನೆಯು  ಮಾನ್ಯತೆ ಕಳೆದು ಕೊಳ್ಳುತ್ತದೆ. ಹಾಗೆ ಮಾನ್ಯತೆ ಕಳೆದು ಕೊಂಡಿರುವ ಅಮೂಲ್ಯ ಜೀವನ್ II ಯೋಜನೆಯನ್ನು ಪುನರುಜ್ಜೀವನಗೊಳಿಸಬೇಕೆಂದಲ್ಲಿ, ಅದುವರೆಗೂ ಇರುವ ಕಂತುಗಳ ಒಟ್ಟಾರೆ ಮೊತ್ತದ ಮತ್ತು ಅದಕ್ಕೆ ತಗುಲ ಬಹುದಾದ ಬಡ್ಡಿ ಸಮೇತ ಹಣವನ್ನು ಕಟ್ಟಿ ಪುನರುಜ್ಜೀವನಗೊಳಿಸಬಹುದು. ಆದರೆ ಈ ಪರಿಹಾರವು ಪಾಲಿಸಿಯು ಮಾನ್ಯತೆ ಕಳೆದುಕೊಂಡ ಎರಡು ವರ್ಷದ ವರೆಗೆ ಮಾತ್ರ ಲಭ್ಯ ಇರುತ್ತದೆ. ಅಂದರೆ ಪಾಲಿಸಿದಾರನು ಕಟ್ಟಲು ಆಗದೆ ಇದ್ದ ಕಂತಿನ ದಿನದಿಂದ ಎರಡು ವರ್ಷಗಳು ಮಾತ್ರ.

ಅಮೂಲ್ಯ ಜೀವನ್ II ಯೋಜನೆಯಡಿ ಸೇರ್ಪಡೆಯಾಗದ ಕೆಲವು  ವಿಷಯಗಳು

ಕೆಲವು ಸಾಮಾನ್ಯವಲ್ಲದ ಸಂಧರ್ಭಗಳಲ್ಲಿ, ಕಂಪನಿಯವರು ಪಾಲಿಸಿದಾರನ ಫಲಾನುಭವಿಗಳಿಗೆ  ಮರಣದ ನಂತರ ನೀಡಬೇಕಾದ ಮೊತ್ತವನ್ನು ನೀಡುವುದಿಲ್ಲ. ಅದೆಂದರೆ, ಪಾಲಿಸಿದಾರನು ಅಮೂಲ್ಯ ಜೀವನ್ II ಯೋಜನೆಯನ್ನು ಕೊಂಡುಕೊಂಡ ಅಥವಾ ನವೀಕರಿಸಿದ 12 ತಿಂಗಳ ಒಳಗೆ ಆತ್ಮಹತ್ಯೆ ಮಾಡಿಕೊಂಡಲ್ಲಿ ನಿಗದಿತ ಮೊತ್ತವನ್ನು ಫಲಾನುಭವಿಗಳಿಗೆ ನೀಡಲು ಕಂಪನಿ ನಿರಾಕರಿಸಬಹುದು. ಆದರೆ ಕೆಲವು ಸಂದರ್ಭದಲ್ಲಿ, ನಾಮಿನಿಯು ಪಾಲಿಸಿದಾರನು ಆತ್ಮಹತ್ಯೆಗೆ ಮುಂಚೆ  ಕಟ್ಟಿರುವ ಕಂತುಗಳ ಒಟ್ಟು ಮೊತ್ತದ 80 % ಮೊತ್ತವನ್ನು ಕೇಳಬಹುದಾಗಿರುತ್ತದೆ. ಇದು ಪಾಲಿಸಿಯು ಅವದಿ ಮೀರದಿದ್ದ ಪಕ್ಷದಲ್ಲಿ ಅನ್ವಯವಾಗುತ್ತದೆ. ಸದರಿ ಮೊತ್ತದಿಂದ, ಯಾವುದೇ ತರಹದ ತೆರಿಗೆ ಮತ್ತು ಬಾಕಿ ಕಂತುಗಳನ್ನು ಮುರಿದುಕೊಂಡು ಉಳಿದ ಮೊತ್ತವನ್ನು ನೀಡಲಾಗುತ್ತದೆ.

ಅಮೂಲ್ಯ ಜೀವನ್ II ಯೋಜನೆಯಡಿ ಅನ್ವಯವಾಗುವ ಫ್ರೀ ಲುಕ್ ಪೀರಿಯಡ್

ಅಮೂಲ್ಯ ಜೀವನ್ II ಯೋಜನೆಯು  ಕೂಡ ಫ್ರೀ ಲುಕ್ ಪೀರಿಯಡ್ ಅಥವಾ ಕೂಲಿಂಗ್ ಪೀರಿಯಡ್ ಹೊಂದಿದ್ದು ಅದು 15 ದಿವಸಗಳಾಗಿರುತ್ತದೆ. ಈ 15 ದಿನಗಳಲ್ಲಿ ಪಾಲಿಸಿದಾರರು ಅವರಿಗೆ ಒದಗಿಸಿರುವ ಜೀವ ವಿಮಾ ದಾಖಲೆಯನ್ನು ಕೂಲಂಕುಶವಾಗಿ ಓದಿ ಮತ್ತು ಪರಿಶೀಲಿಸಿ, ಅದರಲ್ಲಿ ಉಂಟಾಗಬಹುದಾದ ಅನುಮಾನಗಳನ್ನು ಪರಿಹರಿಸಿಕೊಳ್ಳಲು ನೀಡುವ ಅವದಿಯಾಗಿರುತ್ತದೆ.

ಪಾಲಿಸಿದಾರರು ಅವರಿಗೆ ಒದಗಿಸಿರುವ ಪಾಲಿಸಿ ಕರಾರಿನಲ್ಲಿ ನಮೂದಿಸಿರುವ ಯಾವುದೇ ಕಂಡಿಷನ್ ಬಗ್ಗೆ ಒಮ್ಮತ ಇಲ್ಲದಿದ್ದ ಪಕ್ಷದಲ್ಲಿ ಸದರಿ ಪಾಲಿಸಿಯನ್ನು ಈ ಕೂಲಿಂಗ್ ಪೀರಿಯಡ್ ಒಳಗೆ ಹಿಂದಿರುಗಿಸಬಹುದು. ಅಂತಹ ಸಮಯದಲ್ಲಿ, ಕಂಪನಿಯು ಅವರು ಕಟ್ಟಿರುವ ಮೊದಲ ಕಂತಿನ ಹಣವನ್ನು ವಾಪಸ್ಸು ಮಾಡುವುದು. ಈ ಹಿಂದಿರುಗಿಸುವ ಹಣದಲ್ಲಿ ಯಾವುದೇ ತರಹದ ಅನ್ವಯಿಸುವ ಕಡಿತಗಳಿದ್ದಲ್ಲಿ ಅದನ್ನು ಮುರಿದುಕೊಂಡು ಉಳಿದ ಹಣವನ್ನು ಪಾಲಿಸಿದಾರರಿಗೆ ನೀಡಲಾಗುವುದು.

ಒಂದು ಬಾರಿ ಪಾಲಿಸಿಯನ್ನು ಹಿಂದಿರುಗಿಸಿದಲ್ಲಿ, ಅದೇ ಪಾಲಿಸಿದಾರರು ಮತ್ತೆ ಪಾಲಿಸಿ ತೆಗೆದುಕೊಳ್ಳುವ ಅರ್ಹತೆ ಕಳೆದುಕೊಳ್ಳುತ್ತಾರೆ

ಅಮೂಲ್ಯ ಜೀವನ್ II ಯೋಜನೆಯನ್ನು ತೆಗೆದುಕೊಳ್ಳಲು ಬೇಕಾದ ದಾಖಲೆಗಳು

ಅಮೂಲ್ಯ ಜೀವನ್ II ಯೋಜನೆಯನ್ನು ತೆಗೆದುಕೊಳ್ಳಬೇಕೆಂದಿರುವ ಪಾಲಸೀ ದಾರರು ತಮ್ಮ ವಯಸ್ಸು, ಗುರುತು, ವಿಳಾಸ ಹಾಗೂ ಆದಾಯದ ಬಗ್ಗೆ ಬೇಕಾಗುವ ಈ ಕೆಳ ಕಂಡ ದಾಖಲೆಗಳನ್ನು ನೀಡಬೇಕಾಗುತ್ತದೆ.

  • ವಯಸ್ಸಿನ ದಾಖಲೆ – ಮೆಟ್ರಿಕ್ಯುಲೇಷನ್ ಸರ್ಟಿಫಿಕೇಟ್, ಬರ್ತ್ ಸರ್ಟಿಫಿಕೇಟ್.
  • ಗುರುತಿನ ದಾಖಲೆ – ಆಧಾರ್, ಪಾನ್, ಲೈಸೆನ್ಸ್, ಪಾಸ್ಪೋರ್ಟ್,ರೇಷನ್ ಕಾರ್ಡ್, ವೋಟರ್ ಐ ಡಿ
  • ವಿಳಾಸದ ದಾಖಲೆ – ಪಾಸ್ಪೋರ್ಟ್, ಆಧಾರ್, ವಿದ್ಯುಚ್ಚಕ್ತಿಯ ಬಿಲ್, ಗ್ಯಾಸ್ ಬಿಲ್
  • ಆದಾಯದ ದಾಖಲೆ – ಆದಾಯದ ಮೂಲ ದಾಖಲೆ, ಉದ್ಯೋಗದಲ್ಲಿದ್ದಲ್ಲಿ, ಆದಾಯದ ಬಗ್ಗೆ ಉದ್ಯೋಗ ನೀಡಿರುವವರಿಂದ ಸರ್ಟಿಫಿಕೇಟ್

ವೈದ್ಯಕೀಯ ತಪಾಸನೆಯ ಬಗ್ಗೆ – ಬೇಸಿಕ್ ವೈದ್ಯಕೀಯ ದಾಖಲೆಗಳು ಅಂದರೆ ರಕ್ತ ಹಾಗೂ ಮೂತ್ರ ಪರೀಕ್ಷೆಯ ದಾಖಲೆಗಳು

ಅಮೂಲ್ಯ ಜೀವನ್ II ಯೋಜನೆಯ ಕೆಲವು ವೈಶಿಷ್ಟ್ಯಗಳು ಹಾಗೂ ಪ್ರಯೋಜನಗಳು

ಉಳಿದಂತೆ ಅಮೂಲ್ಯ ಜೀವನ್ II ಯೋಜಯ ಕೆಲವು ವೈಶಿಷ್ಟ್ಯಗಳು ಹಾಗೂ ಪ್ರಯೋಜನಗಳನ್ನು ಈ ಕೆಳಗೆ ನೀಡಲಾಗಿದೆ.

  • ಇದು ಒಂದು ಶುದ್ಧ ಜೀವ ವಿಮಾ ಯೋಜನೆ ಆಗಿರುತ್ತದೆ
  • ಯಾವುದೇ ರೀತಿಯ ಮೆಚೂರಿಟೀ ಅಥವಾ survival ಬೆನಿಫಿಟ್ ಸಿಗುವುದಿಲ್ಲ
  • ತೆರಿಗೆ ವಿನಾಯತಿಯು ಲಭ್ಯವಿದೆ
  • ಇದು ಒಂದು non-participating ಹಾಗೂ non-linked ಯೋಜನೆ ಆಗಿರುತ್ತದೆ
  • ಪಾಲಿಸಿಯು ಯಾವುದೇ ರೀತಿಯ ಪೈಡ್ ಅಪ್ ಅಥವಾ ಸರಂಡರ್ ಮೊತ್ತವನ್ನು ನೀಡುವುದಿಲ್ಲ
  • ಪಾಲಿಸಿಯಲ್ಲಿ ಯಾವುದೇ ರೈಡರ್ಗಳು ಇರುವುದಿಲ್ಲ
  • ಈ ಯೋಜನೆಯನ್ನು ಕೇವಲ ಆಫ್ ಲೈನ್ ಮುಖಾಂತರವೇ ಕೊಂಡು ಕೊಳ್ಳ ಬಹುದಾಗಿರುತ್ತದೆ.
  • ಪಾಲಿಸಿಯ ಮೇಲೆ ಯಾವುದೇ ತರದ ಶಾಲಾ ತೆಗೆದುಕೊಳ್ಳಲು ಅರ್ಹತೆ ಇರುವುದಿಲ್ಲ.
  • ಕೂಲಿಂಗ್ ಪೀರಿಯಡ್ ಈ ಪಾಲಿಸಿಯಲ್ಲಿ ನೀಡಲಾಗುತ್ತದೆ
  • ಕಡಿಮೆ ಕಂತಿನ ಹಣದಲ್ಲಿ ಹೆಚ್ಚಿನ ಜೀವ ವಿಮಾ ಮೂತವನ್ನು ಆರಿಸಿಕೊಳ್ಳಬಹುದು
  • ಪಾಲಿಸಿಯನ್ನು ಅಸ್ಸೈನ್ ಮಾಡಬಹುದು
  • ಪಾಲಿಸಿಯ ಆವಡಿಯಲ್ಲಿ ಗ್ರೇಸ್ ಪೀರಿಯಡ್ ಲಭ್ಯ ಇರುತ್ತದೆ
  • ಮರಣದ ನಂತರದ  ಬೆನಿಫಿಟ್ ಲಭ್ಯ ಇರುತ್ತದೆ
  • ಕನಿಷ್ಠ ಜೀವ ವಿಮಾ ಮೊತ್ತವು (sum assured) ರೂ 25 ಲಕ್ಷ ಇರಬೇಕು
  • ಪಾಲಿಸಿಯನ್ನು ಪುನರುಜ್ಜೀವನ (revival) ಮಾಡುವ ಅವಕಾಶ ಇರುತ್ತದೆ