కరోనా వైరస్ (కోవిడ్-19) బీమా

నావల్ కరోనా వైరస్, ప్రపంచ వ్యాప్తంగా, లక్షల మందిని ప్రభావితం చేస్తోంది. భారతదేశంలో ఈ వైరస్ బారిన పడి పాజిటివ్ గా నమోదైన వారి సంఖ్య 14 లక్షలు దాటి ఇంకా పెరుగుతూనే ఉంది. ఈ వైరస్ అధికంగా సంక్రమిస్తూ, శ్వాస సమస్యలు, గొంతు నొప్పి, కిడ్నీలను బలహీనపరచడంలతో పాటు పలు అవయవాలను పూర్తిగా దెబ్బతీసే లక్షణాలను కూడా కలిగి ఉంటుంది. ప్రస్తుత సమయానికి, ఈ వైరస్ ప్రపంచవ్యాప్తంగా కోటి ఆరవై లక్షల మంది ప్రజలకు సోకి, ఆరు లక్షల మందికి పైగా ప్రాణాలను కూడా బలిగొంది.

ఇన్సూరెన్స్ రెగ్యులేటరీ అండ్ డెవలప్‌మెంట్ అథారిటీ ఆఫ్ ఇండియా జారీ చేసిన నియమావళి ప్రకారం, భారతదేశంలోని బీమా సంస్థలు తప్పనిసరిగా, ఈ వైరస్ సంక్రమణకు సంబంధించిన ప్రత్యేక భద్రతా కవరేజీ పథకాలతో ముందుకు రావలసి ఉంది. మార్కెట్లో ఉన్న ఐసీఐసీఐ లొంబార్డ్ మరియు డిజిట్ ఇన్సూరెన్స్ వంటి వివిధ ఆరోగ్య బీమా సంస్థలు, కరోనా వైరస్ చికిత్సకు మరియు ఆసుపత్రి ఖర్చులకు కవరేజీని అందిస్తున్నాయి.

కరోనా వైరస్ ఆరోగ్య బీమా గురించి మరియు దాని సంబంధిత పథకాలను తీసుకోవాలా, వద్దా అనే దానిపై మరి కొంచెం ఇప్పుడు తెలుసుకుందాం.

కోవిడ్-19 బీమా ప్రాముఖ్యత

ఈ నావల్ కరోనా వైరస్ యొక్క వ్యాప్తి, ఒక భయాందోళనలకు గురిచేసే అనిశ్చిత పరిస్థితిని మనముందుంచింది. సామాజిక ప్రభావాన్ని కలిగి ఉండటమే గాక, ఈ వైరస్ ఆర్థిక పరిస్థితిపై కూడా తీవ్రమైన ప్రభావాన్ని చూపిస్తోంది. ఈ ప్రస్తుత పరిస్థితుల దృష్ట్యా, ఈ ఆర్థిక అత్యవసర పరిస్థితి మిమ్మల్ని ఆర్థికంగా ఇబ్బందులకు గురి చేయవచ్చు. కాబట్టి, కరోనా వైరస్-సంబంధిత ఆరోగ్య బీమా తీసుకోవాల్సిన అవసరం ఎంతైనా ఉంది.

ప్రపంచ ఆరోగ్య సంస్థ (WHO) కరోనా వైరస్ ను ఒక మహమ్మారిగా ప్రకటించిన కారణంగా, పలు బీమా పథకాలలో ఉన్న మహమ్మారి సంబంధిత మినహాయింపు నియమాలు వర్తించి, మీరు మీ ఆర్థిక కవరేజీ ప్రయోజనాన్ని పొందటానికి వీలు కాదు. ఇక్కడే మీకు కరోనా వైరస్-సంబంధిత ఆరోగ్య బీమా యొక్క అవసరం ఏర్పడుతుంది. కరోనా వైరస్-సంబంధిత ఆరోగ్య బీమా, బీమా చేసుకున్న వ్యక్తి, దురదృష్టవశాత్తూ ఆ వైరస్ బారీన పడి పాజిటివ్ గా తేలినప్పుడు, దాని చికిత్సకు మరియు ఆసుపత్రి ఖర్చులకు కవరేజీ అందిస్తుంది.

ఈ కరోనా వైరస్ కు సంవత్సరం పొడవునా కవరేజీని అందించడానికి రూపొందించిన బీమా పథకాలను, అనేక బీమా సంస్థలు ఇప్పుడు మార్కెట్లో ప్రవేశపెట్టాయి. స్థిరమైన కవరేజీని నియమ నిబంధనలతో అందించే ఒక మంచి పథకాన్ని ఎంచుకోవడానికి, ఈ కంపెనీలు అందించే వివిధ పథకాలను పోల్చి చూసుకోండి.

కరోనా వైరస్-సంబంధిత పథకాల ప్రధానాంశాలు

కరోనా వైరస్ ఆరోగ్య బీమా కవరేజీని అందించే బీమా పథకాల ప్రధాన అంశాలు క్రింద వివరించబడ్డాయి:

వెయిటింగ్ పిరయడ్: మిగతా బీమా పథకాల లాగానే, కరోనా వైరస్-సంబంధిత పథకాలు సాధారణంగా 14-16 రోజుల వెయిటింగ్ పిరయడ్ ను కలిగి ఉన్నాయి. ఇది ఒక పథకం నుంచి మరొక పథకానికి మారుతూ ఉంటుంది.

భరోసా మొత్తం: బీమా చేసుకున్న వ్యక్తి కనీసం 24 గంటలు ఆసుపత్రిలో ఉంటే, 100% భరోసా మొత్తాన్ని క్లెయిమ్ చేసుకోవచ్చు. క్వారెంటీన్లో ఉండి కూడా ఒక వ్యక్తి భరోసా మొత్తంలో 50% కు క్లెయిమ్ చేసుకోవచ్చు. 

కవరేజీ: నావెల్ కరోనా వైరస్ కు ప్రత్యేకించిన బీమా పథకాల కవరేజీ, ఇంటివద్ద చికిత్స, ఐసీయూ గది ఖర్చు, రోజువారీ ఆసుపత్రి నగదు, ఆసుపత్రిలో చేరక ముందు రక్షణ (ఆసుపత్రిలో చేరడానికి ముందు 60 రోజుల వరకు) మరియు ఆసుపత్రి నుంచి వచ్చాక అయ్యే వైద్య ఖర్చులతో సహా అన్ని ఖర్చులకూ ఉంటుంది. 

సాధారణ బీమా సంస్థల ప్రత్యేక కోవిడ్-19 పథకాలు

ప్రస్తుతం, కొన్ని బీమా సంస్థలు మాత్రమే కరోనా వైరస్ బీమా పథకాలను కొనుగోలుదారుల కోసం మార్కెట్లో ప్రారంభించి ఉన్నాయి. క్రింద వాటి జాబితాను మీరు చూడవచ్చు:

స్టార్ హెల్త్ ఇన్సూరెన్స్ కరోనా వైరస్ ఇన్సూరెన్స్

బీమా చేసుకున్న వ్యక్తి, ఆ వైరస్ కు పాజిటివ్ అని నిర్ధారించబడి, ఆసుపత్రిలో చేరినపుడు, స్టార్ హెల్త్ ఇన్సూరెన్స్ కరోనా వైరస్ ఇన్సూరెన్స్, ఒక పెద్దమొత్తం యొక్క ప్రయోజనాన్ని అందిస్తుంది. ఈ భరోసామొత్తాన్ని పొందటానికి, అభ్యర్థులు మరే వైద్య పరీక్షకు లేదా సంప్రదింపుకు కూడా హాజరు కావాల్సిన అవసరం లేదు. ఈ పాలసీ కొనుగోలుదారులకు ఒక 15 రోజుల ఉచిత వెసులుబాటు సమయాన్ని కూడా అందిస్తుంది.

ఐసీఐసీఐ లొంబార్డ్ హెల్త్ ఇన్సూరెన్స్

ఈ ఆరోగ్య బీమా, కరోనా వైరస్ కు పాజిటివ్ అని నిర్ధారించబడిన వారికి ఒక పెద్దమొత్తం యొక్క భరోసాని అందించే ఉద్దేశ్యంతో ప్రత్యేకంగా రూపొందించబడింది.

డిజిట్ ఇన్సూరెన్స్

డిజిట్ ఇన్సూరెన్స్ కూడా ఈ కరోనా వైరస్ బారిన పడిన వారికి సహాయం అందించడం కోసం ప్రత్యేకంగా ఒక బీమాను అందిస్తోంది. బీమా చేసుకున్న వ్యక్తి కరోనా వైరస్ పాజిటివ్ అని నిర్ధారించబడి, క్లెయిమ్ కోరినపుడు, 100% చెల్లింపును పొందటానికి అవకాశం ఉంటుంది. వైద్య పరీక్ష నెగటివ్ వచ్చినప్పుడు కూడా, భరోసా మొత్తంలో 50% బీమా చేసుకున్న వ్యక్తి పొందవచ్చు.

కరోనా వైరస్ బీమా పథకాల చేర్పులు

ఈ వైరస్ బారిన పడే వారి కోసం ప్రత్యేకంగా రూపొందించిన పథకాలలో చేర్చబడి ఉండే సాధారణ అంశాలు క్రింద ఇవ్వబడ్డాయి:

ఆసుపత్రి ఖర్చులు

కరోనా వైరస్-సంబంధిత పథకాలు చికిత్స మరియు ఆసుపత్రి ఖర్చులను కూడా భరిస్తాయి. అలాగే, 24 గంటలు దాటిన ఆసుపత్రి ఖర్చులను కూడా ఈ బీమా సంస్థలు కవర్ చేస్తాయి.

క్వారెంటీన్ కవర్

కరోనా వైరస్-సంబంధిత ఆరోగ్య బీమా, వ్యాధి నిర్ధారణ తర్వాత ఆసుపత్రి ఖర్చులనే కాకుండా, ప్రభుత్వ గుర్తింపు ఉన్న సంస్థలలో క్వారెంటీన్ చేయబడిన బీమా తీసుకున్న వ్యక్తుల క్వారెంటీన్ ఖర్చులకు కూడా కవరేజీని అందిస్తాయి.

అదనపు కవరేజీ

డిజిట్ ఇన్సూరెన్స్ అందిస్తున్న కరోనా వైరస్-సంబంధిత ఆరోగ్య బీమా వంటి పథకాలు, జన్మించిన శిశువు కవరేజీతో పాటుగా మెటర్నిటీ ప్రయోజనం, హోమియోపతి, ఆయుర్వేదం లేదా యునాని వంటి ఇతర చికిత్సల ఖర్చులు వంటి అదనపు కవరేజీలను కూడా అందిస్తున్నాయి.

కరోనా వైరస్ బీమా పథకాల మినహాయింపులు

కరోనా వైరస్ చికిత్సకు సంబంధించిన ఖర్చులను కవర్ చేసే ఆరోగ్య బీమా పథకాలలో మినహాయించబడిన అంశాల జాబితా క్రింద ఇవ్వబడింది: 

ప్రసవం ముందు మరియు తర్వాతి ఖర్చులు

ప్రసవానికి ముందు మరియు తర్వాత అయ్యే ఖర్చులు ఈ అవసర-ఆధారిత బీమా కవరేజీ కిందకి రావు. ఒకవేళ, మీరు ప్రసవానికి ముందు మరియు ప్రసవానంతర ఖర్చులకు కూడా కవరేజీ కావాలనుకుంటే, మీ బీమా సంస్థతో లేదా బీమా ఏజెంటుతో ఒక అదనపు కవరేజీ గురించి అడగండి.

ముందు నుంచీ ఉన్న అనారోగ్యాలు

కరోనా వైరస్ ఆరోగ్య బీమా, ముందు నుంచీ ఉన్న వ్యాధులకు కవరేజీ అందించదు. అలాగే, కరోనా వైరస్ కు సంబంధించిన లక్షణాలను పాలసీని తీసుకోవడానికి ఆరు వారాలకు ముందు నుంచే కలిగి ఉన్న వారు, క్లెయిమ్ ను పొందటానికి అనర్హులు. 

డాక్టర్ సిఫారసు లేని ఆసుపత్రి వైద్యానికి కవరేజీ

బీమా చేసుకున్న వ్యక్తి, డాక్టర్ ప్రిస్క్రిప్షన్ లేదా సిఫారసు లేకుండా ఏదైనా పరిస్థితికి సంబంధించి ఆసుపత్రిలో చేరినపుడు కూడా, వారు ఆ ఆసుపత్రి ఖర్చులకు కవరేజీ పొందటానికి అనర్హులు.

కరోనా వైరస్ పథకాలు Vs. సాధారణ ఆరోగ్య బీమా పథకాలు

కరోనా వైరస్ చికిత్సను కవర్ చేయడం కోసం బీమా పథకాలు ఐఆర్డీఏఐ వారి అనుమతితో, ప్రత్యేకించి రూపొందించబడ్డాయి. ఈ విస్తృతంగా వ్యాప్తి చెందుతున్న కరోనా వైరస్ బారిన పడిన వ్యక్తుల సాధారణ ఆరోగ్య బీమా పథకాలు, దాని చికిత్సను కవర్ చేయవచ్చు, చేయకపోవచ్చు కాబట్టి, ఈ పథకాలు మార్కెట్లోకి తీసుకురాబడ్డాయి.

అయితే, సాధారణ ఆరోగ్య బీమా, నిర్దిష్ట అవసర-ఆధారిత బీమా పథకాల నుంచి అనేక విధాలుగా భిన్నమైనదని మీరు గమనించాలి. క్రింద ఉన్న పట్టిక ఈ రెండిటి మధ్య తేడాలను వివరిస్తుంది:

కరోనా వైరస్ పథకాలు తీసుకోవడానికి కావలసిన డాక్యుమెంట్లు

ఈ వైరస్ బారీన పడిన వ్యక్తుల కోసం ప్రత్యేకంగా ప్రవేశపెట్టబడిన ఈ బీమా పథకాలు, వాటి సులభమైన మరియు ఏ ఇబ్బందీ లేని నమోదు మరియు క్లెయిమ్ ప్రక్రియలకు పేరెన్నికగన్నాయి. వీటి ప్రధాన ఉద్దేశ్యం, ఈ మహమ్మారి ప్రబలుతున్న సమయంలో, అవసర-ఆధారిత బీమా యొక్క ప్రయోజనాల గురించి ప్రజలకు అవగాహన కల్పించడమే. కాబట్టి, ఈ అవసర-ఆధారిత బీమా నమోదు మరియు చెల్లింపు సమయాలలో అతి తక్కువ పత్రాలకు సంబంధించిన పనిని మాత్రమే కలిగి ఉంటుంది.

కరోనా వైరస్ బీమాను తీసుకోవడానికి మీకు అవసరమయ్యే పత్రాలు అన్నీ, మీరు సాధారణ బీమా తీసుకునేటప్పుడు అందించే అవే పత్రాలు. వీటి జాబితా క్రింద ఇవ్వబడింది.

• వయసు ధ్రువీకరణ పత్రం: మీరు పాన్ కార్డు, డ్రైవింగ్ లైసెన్సు, జన్మ ధ్రువీకరణ పత్రం లేదా మీ ఓటరు కార్డులను మీ వయసు ధ్రువీకరణ పత్రంగా చూపవచ్చు.
• ఫోటో గుర్తింపు ధ్రువీకరణ పత్రం: మీరు మీ పాసుపోర్టు, పాన్ కార్డు, ఆధార్ కార్డు లేదా డ్రైవింగ్ లైసెన్సులను మీ ఫోటో గుర్తింపు ధ్రువీకరణ పత్రంగా చూపవచ్చు.
• చిరునామా ధ్రువీకరణ: రేషన్ కార్డు, వినియోగ బిల్లులు, టెలిఫోన్ బిల్లు మొదలైన వాటిని చిరునామా ధ్రువీకరణకు బహుశా వాడవచ్చు.
• ఆదాయ ధ్రువీకరణ: ఉద్యోగదారు పత్రం, వేతన పత్రం, లేదా ఫారం-16 లను ఆదాయ ధ్రువీకరణకు బహుశా వాడవచ్చు.
• వైద్య పరీక్షల నివేదికలు: కరోనా వైరస్-సంబంధిత పథకాన్ని తీసుకునేటప్పుడు, మీ వైద్య పరీక్షల నివేదికలను ఇవ్వవలసిందిగా మీరు కోరబడవచ్చు.

PolicyX.com నుంచి ఎందుకు కొనాలి?

కరోనా వైరస్-సంబంధిత బీమా, సాధారణ ఆరోగ్య బీమాలతో పోలిస్తే, విభిన్నమైన చేరికలు మరియు మినహాయింపులను కలిగి ఉంది. కాబట్టి, మీరు పెట్టే ప్రతీ పైసాకీ, మీరు సరైన విలువను పొందేలా, వివిధ బీమా పథకాలను పోల్చి చూసుకుని ధృవీకరించుకోవడం అవసరం. PolicyX.com లో, వివిధ బీమా సంస్థలు మార్కెట్లో అందిస్తున్న కరోనా వైరస్ బీమాలను సరిపోల్చుకుని, వాటి చేరికలను, మినహాయింపులను అంచనా వేసుకుని మరియు నియమ నిబంధనలను అర్థం చేసుకుని మీకు మెరుగైన పాలసీని మీరు తీసుకోవచ్చు.

అయితే, దీనికి PolicyX.com నే ఎందుకు ఎంచుకోవాలి? ఇక్కడ మరికొన్ని కారణాలు:

మీ వ్యక్తిగత బీమా సలహాదారు

PolicyX.com లో, వివిధ బీమా సంస్థలు మార్కెట్లో అందించే అనేక రకాల బీమా పథకాల గురించిన పూర్తి వివరాలను మీరు తెలుసుకోవడంలో మేము సహాయపడతాము. ఈ పథకాలపై, ఒక స్పష్టమైన మరియు నిష్పాక్షికమైన అభిప్రాయం కోసం మీరు ఎల్లప్పుడూ మాపై ఆధారపడవచ్చు.

వినియోగదారుల సేవలో అందరికన్నా ముందు

వినియోగదారుల సేవలో అంకితభావంతో పని చేసే మా సిబ్బంది, బీమాకు సంబంధించిన మీ సందేహాలను నివృత్తి చేసి, మీకు కావలసిన బడ్జెట్లో, మీకు మెరుగ్గా సరిపోయే బీమా పథకాన్ని ఎంచుకోవడంలో మీకు సహాయపడటానికి ఎల్లప్పుడూ సిద్ధంగా ఉంటారు.

ఐఆర్డీఏఐ వారి అనుమతితో

మేము ఐఆర్డీఏఐ వారి అధికారిక పరిమితితో పని చేస్తాము. మీరు విశ్వసనీయత కోసం చూస్తుంటే, PolicyX.com వైపే మీ దారి.

కొనుగోలు ప్రక్రియ

కరోనా వైరస్-సంబంధిత బీమాను మార్కెట్లో ఉన్న ప్రముఖ బీమా సంస్థల నుంచి కొనుగోలు చేయడానికి క్రింద ఇవ్వబడిన పద్దతిని అనుసరించండి:

1: PolicyX.com వెబ్సైటుకు వెళ్లి, ఆరోగ్య బీమాపై క్లిక్ చేయండి.

2: మీరు బీమా కవరేజీ తీసుకోవాలనుకుంటున్న వ్యక్తుల సంఖ్యను మరియు వారిలో అతి పెద్ద వయస్కుని వయసును అందించి, మీరు ఎంచుకున్న అవసర-ఆధారిత బీమా పథకాలపై వెంటనే కొటేషన్లు పొందండి.

3: తర్వాత, మీ పేరు, నగరం మరియు మీ మొబైల్ నంబర్లను తప్పకుండా ఇవ్వాలి.

4: ‘కొటేషన్లు పొందండి’ పై మీరు క్లిక్ చేయగానే, వివిధ కొరోనావైరస్-సంబంధిత పథకాలకొటేషన్లు ఉన్న పేజీకి మీరు వెళ్తారు.

5: మీరు అదనపు ఫిల్టర్లను, సంస్థల ఫిల్టర్లను ఎంచుకుని, మీ బీమా శోధనను మరి కొంచెం వేగవంతం చేసుకోవచ్చు.

6: ఏదైనా ఒక నిర్దిష్ట పథకాన్ని మీరు తీసుకోవాలనుకున్నప్పుడు, ‘ఈ పథకాన్ని కొనండి’ పై నొక్కితే చాలు. మీరు తర్వాతి పేజీకి వెళ్తారు.

7: ప్రతిపాదకుడిగా వివరాలను నింపి, నామినీ వివరాలను మరియు బీమా తీసుకునే ఇతరుల వివరాలను తెలిపి, సేవ్ చేసి ముందుకు వెళ్ళండి.

8: మొదటి ప్రీమియంను ఇక్కడ మీరు చెల్లించగానే, మీ పాలసీ పత్రం మీ ఈమెయిల్ ఐడీకి పంపబడుతుంది.

కరోనా వైరస్ బీమా పథకాల పునరుద్ధరణ

కరోనా వైరస్-సంబంధిత బీమా చెల్లింపులు, ఒక సంవత్సరం పాలసీ వ్యవథి మాత్రమే కలిగి ఉంటాయి కాబట్టి పునరుద్ధరణ ఉండదు. మీరు ఈ వైరస్ కు పాజిటివ్ అని నిర్ధారించబడినప్పుడు, 100% భరోసా మొత్తాన్ని మీరు పొందవచ్చు, మరియు మీరు ఈ వైరస్ బారిన పడకపోయినా కూడా, 50% వరకు భరోసా మొత్తాన్ని పొందే అవకాశం మీకు ఉంటుంది. అలాగే, ఈ ప్రత్యేక పథకాలు, క్లెయిమ్ చెల్లింపు అందచేయగానే ముగిసిపోతాయి.

క్లెయిమ్ పద్దతి

బీమా చేసుకున్న వ్యక్తి, కరోనా వైరస్ కు పాజిటివ్ అని నిర్ధారించబడినప్పుడు, దాని చికిత్స మరియు ఆసుపత్రి ఖర్చులకు, క్రింద ఇవ్వబడిన వాటిలో ఏదో ఒక విధంగా క్లెయిమ్ కోరవచ్చు.

• తిరుగు చెల్లింపు క్లెయిమ్లు: మీరు తిరుగు చెల్లింపు క్లెయిమ్ కోసం వెళితే, మీరు మొదట చికిత్స మరియు ఆసుపత్రి ఖర్చులకు మీ సొంత డబ్బును ఖర్చు చేయాలి. ఆ తర్వాత, బీమా చేసుకున్న వ్యక్తి తిరుగు చెల్లింపు క్లెయిమ్ ను, సంబంధిత ఆసుపత్రి బిల్లుల వంటి అవసరమైన పత్రాలతో పాటుగా కోరాలి.

• నగదురహిత క్లెయిమ్లు: నగదురహిత ఆరోగ్య బీమా, మీరు మీ జేబునుంచి పైసా కూడా ఖర్చు చేయకుండా, నెట్వర్క్ ఆసుపత్రులలో వైద్యం పొందటానికి అనుమతిస్తుంది. మీరు చేయవలసిందల్లా, మీ బీమా సంస్థ మీ ఖర్చులను నేరుగా ఆసుపత్రికి చెల్లించేలా, మీ ఈ-హెల్త్ కార్డును ఆసుపత్రి వద్ద చూపించి మీ నగదురహిత చెల్లింపు అభ్యర్థనను సంబంధిత వివరాలతో నింపటమే.

మీ బీమా పథకం యొక్క ప్రయోజనాలను పొందటానికి, బీమా చేసుకున్న వ్యక్తి చెల్లింపు కోరే సమయంలో క్రింది పత్రాలను చూపించాలి:

• వైరస్ కు సంబంధించిన చికిత్స కోసం ప్రభుత్వ వైద్య అధికారి నుంచి పొందిన క్వారెంటీన్ సర్టిఫికెట్
• పాలసీదారు ఒకవేళ వైరస్ కు పాజిటివ్ అని నిర్ధారించబడితే, దానికి సంబంధించిన పాజిటివ్ వైరాలజీ నివేదికను కూడా అందించాలి. 

ఆరోగ్య బీమాపై ఐఆర్డీఏఐ తాజా ఉత్తర్వులు

ఐఆర్డీఏఐ కొరోనావైరస్ కు సంబంధించిన చెల్లింపు ప్రక్రియలకు సంబంధించిన కొన్ని మార్గదర్శకాలను ప్రకటించింది. ఈ ఐఆర్డీఏఐ ప్రకటించిన మార్గదర్శకాల జాబితా క్రింద ఇవ్వబడింది:

• అన్ని బీమా సంస్థలు కోవిడ్-19 కి సంబంధించిన బీమా చెల్లింపులను అత్యంత వేగవంతంగా ప్రాసెస్ చేయాలి.

• చికిత్స జరుగుతున్న సందర్భంలో అనుమతించబడే ఖర్చుల విషయాలపై ఈ నియంత్రణా సంస్థ యొక్క నియమ నిబంధనలకు లోబడి వ్యవహరించాలి.

• చెల్లింపు అభ్యర్థనల రివ్యూ కమిటీ, కోవిడ్-19 కుసంబంధించిన ప్రతీ చెల్లింపునూ నిశితంగా పరిశీలించాలి.

• ఐఆర్డీఏఐ చట్టంలోని సెక్షన్ 14 (2) (ఈ) కింద ఇవ్వబడిన ఆదేశాలు వెంటనే అమలులోకి వస్తాయి.