జీవిత బీమా

జీవిత బీమా అనేది పాలసీదారు నుంచి ప్రీమియంలు కట్టించుకుని, వారికి ఏదైనా అనుకోని సంఘటన జరిగిన పక్షంలో, ఒక నగదు మొత్తాన్ని వారు ఎంచుకున్న నామినీకి అందించేలా, పాలసీదారు బీమా సంస్థతో చేసుకునే ఒక పరస్పర ఒప్పందం. 

ఆర్థిక సంరక్షణ కోసమే కాకుండా, ఆదాయ పన్ను చట్టం, 1961 లోని సెక్షన్ 10(10డి) మరియు సెక్షన్ 80సి ల కింద పన్ను మినహాయింపు ఉండడం వలన కూడా ప్రజలు దీని వైపు ఆకర్షితులవుతారు. మరింత తెలుసుకోవడానికి ముందు, భారతదేశంలోని ఉత్తమమైన జీవిత బీమా పథకాలను చూద్దాం.

భారతదేశంలోని ఉత్తమ జీవిత బీమా పథకాలు

PolicyX.com ప్రకారం, భారతదేశంలో మీరు తీసుకోగల 2019-20 యొక్క కొన్ని ఉత్తమ జీవిత బీమా పథకాలు-

టేబుల్ సమాచారం 12-05-2020 న అప్డేట్ చేయబడింది

జీవిత బీమా ప్రయోజనాలు 

జీవితం ఎప్పుడూ మన చేతిలో ఉండదనే విషయం మనందరికీ తెలుసు. అలాంటి అనుకోని పరిస్థితులు, ఏ సమయంలోనైనా వ్యక్తులకూ మరియు వారి కుటుంబాలకూ ఎదురవవచ్చు. కాబట్టి, ఒక జీవిత బీమాను తీసుకోవడం, ఏ విపత్కర పరిస్థితుల తర్వాత అయినా, మీ కుటుంబం మరియు మీపై ఆధారపడి ఉన్న వారు, వారి జీవితాన్ని ఎటువంటి ఆర్థిక ఇబ్బందీ లేకుండా, ఆనందంగా గడపడానికి సహాయపడుతుంది. జీవిత బీమా పాలసీదారుకు అనేక ప్రయోజనాలను కూడా అందిస్తుంది. వాటిలో కొన్ని బాగా ప్రముఖమైన వాటిని చూద్దాం.

భరోసా వార్షిక మొత్తం

రిటైర్మెంట్ కోసం ఆలోచించడం విషయంలో, జీవిత బీమా పాలసీ అంత మంచివి కొన్నే ఉన్నాయి. మీరు చాలా కాలం పాటు డబ్బు పొదుపు చేయడం మూలంగా, జీవిత కవరేజీ పాలసీలు మీ రిటైర్మెంట్ తర్వాత మీకు స్థిరమైన లాభాల్ని ఇస్తాయి.

లోన్ సౌలభ్యం

జీవిత బీమా తీసుకున్న వారికి, వారు తీసుకున్న పాలసీ ద్వారా పొందే ప్రయోజనాలకు భంగం కలగకుండా, వారి అత్యవసర డబ్బు అవసరాలకు, వారి బీమా కవరేజీపై లోన్ పొందే అవకాశం ఉంటుంది.

సంపూర్ణ పథకాలు

ఆర్థిక రక్షణతో పాటు, ఇది ఒక దీర్ఘకాలిక పొదుపు మార్గంగా కూడా పనిచేస్తుంది. ఎండోమెంట్ పథకాల వంటి అనేక సంప్రదాయక జీవిత బీమా పథకాలు, మెచ్యూరిటీ విలువ, క్యాష్ విలువ మరియు మనీ-బ్యాక్ వంటి పలు ఎంపికల ద్వారా మెచ్యూరిటీ ప్రయోజనాలను అందిస్తాయి.

వైద్య ఖర్చుల కవరేజీ

స్టాండ్ ఆన్ మై ఓన్ బీమా పాలసీల ద్వారా లేదా రైడర్ల ద్వారా కూడా, అన్ని జీవిత బీమా కంపెనీలు వైద్య ఖర్చులు మరియు తీవ్ర అనారోగ్యాలపై ఆర్థిక కవరేజీని అందిస్తాయి. పాలసీదారు తక్కువ సైంటిఫిక్ ఖర్చును మాత్రమే భరించేలా చూసుకుంటూ, వైద్య బీమా నిబంధనల అవసరాలు కూడా ఇప్పుడు మెరుగయ్యాయి

డివిడెండ్ల ద్వారా వృద్ధి

సంప్రదాయక జీవిత బీమా పాలసీలు, వినియోగదారులు, బీమా కంపెనీ యొక్క ఆర్థిక వృద్ధిలో భాగస్వామ్యాన్ని పొందే అవకాశాన్ని, నిధులకు ఎటువంటి ముప్పు రాకుండా అందిస్తుంది. అదే సమయంలో, కంపెనీ ఆదాయ నిధులను వార్షిక బోనస్/డివిడెండ్ల ప్రకటనల ద్వారా విభజించి, పాలసీదారుకు మెచ్యూరిటీ ప్రయోజనాలుగా అందిస్తుంది.

ఆదాయ పన్ను ప్రయోజనాలు

జీవిత బీమా ఆకర్షనీయమైన పన్ను ప్రయోజనాలను కలిగి, మీరు పెద్ద మొత్తంలో డబ్బును ఆదా చేసుకోవడంలో సహాయపడుతుంది. దాదాపు అన్ని జీవిత బీమా పాలసీలు, ఆదాయ పన్ను చట్టం, 1961 లోని సెక్షన్లు 80సి మరియు 10(10డి) కింద వరుసగా, ప్రీమియం మొత్తానికి మరియు చెల్లింపు మొత్తాలకు, ఆదాయ పన్ను మినహాయింపు ప్రయోజనాన్ని అందిస్తాయి. 

లోన్ పునఃచెల్లింపు

జీవిత బీమా పాలసీలు, పాలసీదారుకి అవసరమయ్యే లోన్లు మరియు తనఖాలను పొందడంలో, ఒక మంచి సాధనంగా పనికొస్తాయి. ఒకవేళ ఏదైనా అనుకోని పరిస్థితిలో పాలసీదారు లోన్ కట్టలేకపోతే, వారి శోకంలో ఉన్న బంధువులకు నష్ట పరిహారం కట్టవలసిన అవసరం లేదు, మరియు ఆ పాలసీ లోన్ ని కట్టడానికి సరిపోతుంది.

పొదుపు తో కూడిన బీమా

జీవిత బీమా అనేది, పాలసీదారు క్రమ పద్దతిలో చెల్లింపులు చేయవలసిన ఒక దీర్ఘకాలిక ఒప్పందం కాబట్టి, ఇది ఆర్థిక పొదుపును కూడా పాలసీదారు అలవరుచుకునేలా చేస్తుంది. దీర్ఘకాలిక సమయానికి, నగదును పొదుపు చేసుకోవడం, మీకు ఎదురవగల అత్యవసర ఆర్థిక సమయాలలో పనికొచ్చే ఒక మంచి నిధిలా మీకు ఉంటుంది.

దీర్ఘకాలిక పొదుపు

పాలసీదారుల డబ్బు, సంస్థ భాగస్యామ్యుల వద్ద సురక్షితంగా ఉండేలా, ఐఆర్డీఏ అనేక విధానాలను రూపొందించింది. బీమా కవరేజీపై ఖర్చు చేసిన డబ్బు, మీరు పాలసీని తీసుకున్న సంస్థ యొక్క భాగస్యామ్యుల బాధ్యతగా ఉండవచ్చు. ఇంకా అదనంగా, బీమా చేయించుకున్న వ్యక్తి, త్వరితంగా వచ్చే ఆదాయాల కోసం ప్రమాదకర పెట్టుబడుల వైపు వెళ్లకుండా, ఖచ్చితమైన మంచి ప్రతిఫలాన్ని అందిస్తుంది.

జీవిత బీమా రకాలు

ఇప్పుడు తెలుగులో జీవిత బీమా పాలసీ రకాల గురించి తెలుసుకోండి.

టర్మ్ బీమా

ఇది పూర్తిగా జీవిత రక్షణను మాత్రమే ఇస్తుంది. ఈ పథకంలో, బీమా చేయించుకున్న వ్యక్తి మరణించిన పక్షంలో, పాలసీ డాక్యుమెంట్లో చెప్పబడిన విధంగా, బీమా సంస్థ ముందుగా అనుకున్న భరోసా మొత్తాన్ని, నామినీ లేదా లబ్దిదారులకు అందజేస్తుంది. పాలసీ వ్యవధిని దాటి మీరు జీవిస్తే, మీకు ఏ మొత్తమూ లభించదు లేదా సంస్థను బట్టి, మీరు కట్టిన ప్రీమియం వెనక్కి పొందవచ్చు.

సంపూర్ణ జీవిత బీమా 

ఈ పథకంలో,సాధారణంగా, బీమా చేయించుకున్న వ్యక్తి, మెచ్యూరిటీ కాలం అనే ఒక నిర్దిష్ట సమయం వరకూ ప్రీమియంలను కట్టే అవకాశం ఇవ్వబడుతుంది. దాని మెచ్యూరిటీ వరకు ఆ వ్యక్తి జీవించి ఉంటే, వారు దీనిని తన పూర్తి జీవిత కాలం పాటు మరే ప్రీమియం చెల్లించకుండానే కొనసాగించవచ్చు మరియు భరోసా మొత్తం మరియు బోనస్లను పొందవచ్చు. 

ఎండోమెంట్ పథకం 

టర్మ్ పథకంలా కాకుండా, ఎండోమెంట్ పథకం, మరణం సంభవించినా లేక జీవించి ఉన్నా కూడా, భరోసా మొత్తాన్ని, లాభాలతో సహా చెల్లిస్తుంది. ఈ పథకం అధిక ప్రీమియంలను తీసుకుని, ఈక్విటీ మరియు రుణాల వంటి ఆస్తుల మార్కెట్లో పెట్టుబడులు పెడుతుంది. ఎండోమెంట్ పాలసీలో, బీమా సంస్థ మెచ్యూరిటీ సమయంలో ఒక పెద్దమొత్తాన్ని చెల్లించేలా ఒప్పందం చేసుకుంటుంది. ఒక నిర్దిష్ట వయోపరిమితి వరకు, ఈ మెచ్యూరిటీ కాలం ఎక్కువగా పది, పదిహేను లేదా ఇరవై సంవత్సరాలు ఉంటుంది.

పిల్లల బీమా పథకం 

ఇది మీరు మీ పిల్లల భవిష్యత్తును మెరుగైన మరియు స్థిరమైన పద్దతిలో ఆలోచించగలిగేలా, వారి భవిష్యత్తుకు ఆర్థిక రక్షణను అందిస్తుంది. చెప్పాలంటే ఇది బీమా కవరేజీ, అలాగే పొదుపుల మిశ్రమాన్ని అందిస్తూ మీ పిల్లలకు వివిధ దశలలో రక్షణగా ఉంటుంది. జీవిత కవరేజీ అంటే మీరు పాలసీ చివరిలో పొందే ఒక పెద్ద నగదు మొత్తం. 

పెన్షన్ పథకం 

ఈ పథకం మీ రిటైర్మెంట్ తర్వాత జీవితాన్ని ఆర్థికంగా బలోపేతం చేస్తుంది. ఇది మీ భవిష్యత్తు రిటైర్మెంట్ కోసం పనికొచ్చే ఒక పొదుపు/పెట్టుబడి. మీ రిటైర్మెంట్ ని ఆలోచించుకోవడానికి, మార్కెట్లో అనేకమైన పెన్షన్ పథకాలు అందుబాటులో ఉన్నాయి. 

పెట్టుబడి పథకాలు

ఈ పథకం మీ సంపద, పొదుపులను పెంచుకోవడంలో మరియు దానితోపాటే బీమా కవరేజి పొందటానికి సహాయపడుతుంది. నివసించే పద్దతులను మెరుగుపరుచుకుని, మెరుగైన మరియు విలాసవంతమైన జీవన ఆకాంక్షల మధ్య పెరుగుతున్న ఆందోళనలు, ప్రజలను సురక్షితమైన భవిష్యత్తు కోసం సొమ్ము పెట్టుబడి పెట్టడం వైపు ఆలోచింపచేస్తున్నాయి.

యూనిట్-లింక్డ్ బీమా పథకాలు (యూలిప్స్)

పైన చెప్పిన అన్ని పథకాలలో, మీ డబ్బును ఎందులో పెట్టుబడి పెట్టాలో నిర్ణయించే అవకాశం మీకు ఉండదు. మీ మొత్తాన్ని సురక్షితంగా ఉంచడానికి, దాదాపు ఈ పథకాలన్నీ రుణాలలో పెట్టుబడి పెడతాయి. అయితే యూనిట్-లింక్డ్ బీమా పథకం (యూలిప్) మీరు రుణాలు లేదా ఈక్విటీలో అయినా, మీకు ఉత్తమంగా అనిపించిన విధంగా మీ డబ్బును పెట్టుబడి పెట్టుకునేలా మీకు పూర్తి అధికారం అందిస్తుంది. మీరు ఉన్న పెట్టుబడి విధానాన్ని మార్చాలనుకుంటే, దానిని కూడా మీరు సులభంగా చేయవచ్చు. స్టాక్ మార్కెట్ గురించి తెలిసిన వారు దీనిని సులభంగా అర్థం చేసుకోగలరు.

మనీ బ్యాక్ పథకం

మనీ బ్యాక్ పథకాలు కూడా ఎండోమెంట్ పథకాలలానే ఉంటాయి, అయితే ఇందులో ఒకే తేడా, చెల్లింపు పాలసీ వ్యవథి కాలంలో విస్తరించి ఉండడం. ఇందులో, పాలసీ కాలాన్ని బట్టి, కొంత మొత్తం, సమయానుసారం క్రమంగా బీమా చేసుకున్న వ్యక్తికి తిరిగి ఇవ్వబడుతుంది. మరణం సంభవించిన పక్షంలో, పూర్తి భరోసా మొత్తం చెల్లించబడుతుంది. ఇందులో బోనస్ కూడా కలపబడుతుంది. ఈ అదనపు ఫీచర్ల కారణంగా, ఆన్లైన్లో మిగతా జీవిత బీమా పథకాల కన్నా ఈ పథకం యొక్క ప్రీమియంలు అధికంగా ఉంటాయి. 

జీవిత బీమా రైడర్లు

రైడర్లు, ఏదైనా బీమా పథకంలో, పాలసీదారుకు అదనపు ఆర్థిక కవరేజీని అందించే అదనపు ఫీచర్లు. రైడర్లు, అందుబాటులో ఉన్న సాధారణ పథకాలను, ప్రతీ వినియోగదారుడూ, సాధ్యమైనంతగా అవసరానికి తగినట్లు మలుచుకోగలిగేలా చేయడానికి, బీమా సంస్థలు అందించే అదనపు అంశాలు. చెప్పాలంటే, రైడర్లు అదనపు ప్రమాద రక్షణను అందిస్తాయి; కాబట్టి బీమా చేయించుకునే వ్యక్తి దానికి అదనపు ప్రీమియంను కూడా చెల్లించాలి. ఎక్కువగా, రైడర్లను ప్రధాన బీమా పథకంతో పాటుగానే తీసుకోవాలి మరియు తర్వాత జోడించడానికి ఉండదు. రైడర్లను ఖచ్చితంగా తీసుకోవాల్సిన అవసరం లేదు. ఇవి పూర్తిగా ప్రమాద కవరేజీని మాత్రమే అందిస్తాయి కాబట్టి వాటిలో పొదుపు మరియు పెట్టుబడి అంశాలు ఉండవు.

ప్రముఖ జీవిత బీమా రైడర్లు:-

క్రిటికల్ ఇల్నెస్ రైడర్:- క్యాన్సర్, కిడ్నీల సమస్య, గుండెపోటు, కోమా, పక్షవాతం, వంటి అనేక తీవ్ర అనారోగ్యాలు దీనికిందకి వస్తాయి. వేర్వేరు కంపెనీలు వేర్వేరు వ్యాధుల జాబితాను కలిగి ఉంటాయి కాబట్టి తీసుకునే ముందు మీరు జాగ్రత్తగా చూసుకోవడం చాలా ముఖ్యం.

ఏక్సిడెంటల్ డెత్ బెనిఫిట్ రైడర్ :- పాలసీదారు ప్రమాద కారణంగా మరణిస్తే, సాధారణ భరోసా మొత్తంతో పాటుగా, ఈ రైడర్ ప్రయోజనాన్ని కూడా కలిపి బీమా సంస్థ లబ్దిదారులకు చెల్లిస్తుంది. 

ఏక్సిడెంటల్ అండ్ టోటల్ పర్మినెంట్ డిజెబిలిటీ రైడర్ :- పాలసీదారు ప్రమాద కారణంగా పూర్తి లేదా కొంత భాగం వరకు శాశ్వత వైకల్యాన్ని పొంది పని చేయలేని స్థితికి వెళ్తే, ఈ రైడర్ ప్రయోజనాన్ని పాలసీదారు పొందవచ్చు.

ఏక్సిలరేటెడ్ డెత్ బెనిఫిట్ రైడర్ :- పాలసీదారు లుకేమియా, క్యాన్సర్, ఎయిడ్స్ వంటి ఏదైనా ప్రాణాంతక అనారోగ్యానికి గురైనట్లు నిర్ధారణ అయితే, దాని వైద్య ఖర్చుల కోసం ఈ రైడర్ ఒక పెద్ద మొత్తాన్ని పాలసీదారుకు అందిస్తుంది.

వేవర్ ఆఫ్ ప్రీమియం :- పాలసీదారు వైకల్యానికి గురై, దాని కారణంగా జీవిత బీమా పథకాల ప్రీమియంలను కట్టలేని స్థితికి నెట్టబడిన సందర్భంలో, ఆ పాలసీ ఆగిపోవచ్చు. కానీ పాలసీదారు ఈ రైడర్ ని కనుక తీసుకున్నట్లయితే, అన్ని ప్రీమియంలను రద్దయి, ఎటువంటి ఆంక్షలూ లేకుండా పాలసీ కొనసాగుతుంది.

టర్మ్ రైడర్ :- టర్మ్ రైడర్ పాలసీదారు మరణించినపక్షంలో, లబ్దిదారుకు, ఒక స్థిరమైన లేదా నెలవారీ ఆదాయాన్ని అందచేస్తుంది. ఇది ప్రధాన ప్లాన్ కవరేజీ లేదా పాలసీలో పేర్కొనబడీన నిర్దిష్ట విలువకు సమానంగా ఉంటుంది.

సర్జికల్ రైడర్ :- ఇది 43 రకాల శస్త్ర చికిత్స అవసరమయ్యే పరిస్థితులలో, బీమా చేయించుకున్న వ్యక్తికి వైద్య చికిత్సకు ఆర్థిక కవరేజీని అందించి సహాయపడే ఒక సహాయక రైడర్. ఈ కవరేజీ చిన్న మరియు పెద్ద శస్త్ర చికిత్సలకు వేర్వేరుగా ఉంటుంది.

హాస్పిటల్ క్యాష్ రైడర్:- ఆసుపత్రిలో ఉన్న సమయంలో, ఈ రైడర్ కింద రోజువారీ ఆసుపత్రి ఖర్చులకు ఒక నిర్దిష్ట మొత్తం ఇవ్వబడుతుంది. కనీస మరియు గరిష్ట ప్రయోజన భరోసా మొత్తాలు మరియు పాలసీ నిబంధనలు బీమా సంస్థను బట్టి మారుతూ ఉండవచ్చు.

ఉత్తమమైన జీవిత బీమా పాలసీని ఎంచుకోవడం ఎలా?

ఇప్పుడు తెలుగులో అత్యుత్తమ జీవిత బీమా పాలసీని ఎలా ఎంచుకోవాలో తెలుసుకోండి.

జీవిత బీమా కంపెనీలు, పలు రకాల ప్రయోజనాలతో, అనేక పథకాలను అందిస్తుండడం వలన, అన్నిటిలోనుండి అందుబాటులో ఉండే ప్రీమియంతో, ఉత్తమమైన కవరేజీ పొందటానికి, మీకు సరిపోయే పథకాన్ని ఎంచుకోవడం చాలా గందరగోళంగా ఉండవచ్చు.

ఏదైనా పథకాన్ని తీసుకునే ముందు మీరు గుర్తుంచుకోవాల్సిన కొన్ని అంశాలు:

చెల్లింపు శాతాన్ని తప్పనిసరిగా చూడండి

మీరు అవసరమైన సమయంలో, చెల్లింపు పొందటానికే జీవిత బీమాను తీసుకుంటారు. కానీ ఒకవేళ ఆ చెల్లింపే ఎప్పటికీ అసలు జరగకపోతే? చింతించకండి, దీనిని తప్పించుకోవడానికి సులభమైన మార్గం ఉంది. మీరు బీమా సంస్థని ఎంచుకోవడానికి ముందే, వారి చెల్లింపుశాతాన్ని తెలుసుకోవాలి. ఇది మీకు వారు ఒక సంవత్సరంలో పొందిన చెల్లింపు అభ్యర్థనలలో ఎన్నింటిని అంగీకరించారో సుమారుగా చెబుతుంది. ఎక్కువ చెల్లింపు శాతం ఉన్న సంస్థను ఎంచుకోవడం మీకు సాధారణంగా మంచిది.

స్థితిగతులు పరిశీలించడం

అధిక పోటీ వలన, ఇప్పుడు ఈ మార్కెట్లోకి చాలా కంపెనీలు వచ్చాయి. దీనివలన, మెరుగైన సేవలను అందించే సంస్థలు తక్కువయ్యాయి. కాబట్టి, ప్రతీ కంపెనీ స్థితిగతులను పరిశీలించడం ఉత్తమం. ఎవరి పరిస్థితులు మీకు బాగున్నాయని అనిపిస్తే ఆ సంస్థను మీరు ఎంచుకోవచ్చు.

భరోసా మొత్తం యొక్క లెక్కింపు

మీరు బీమా సంస్థల దగ్గరికి వెళ్లే ముందే, మీరు అనుకునే భరోసా మొత్తాన్ని లెక్కించుకోవడం మంచిది. దీనితో పాటుగా, కంపెనీలు చేసే ప్రీమియం లెక్కింపు వివరాలను కూడా మీరు పొందవచ్చు. ఈ రెండు అంశాలను కలిపి చూసుకుని, ఏ కంపెనీలో మీ కష్టార్జితాన్ని పెట్టాలో మీరు నిర్ణయించుకోవచ్చు.

వినియోగదారుల రివ్యూలు

కొన్నిసార్లు, ఏదైనా కంపెనీ బయటి నుంచి బాగా కనిపిస్తూ లోపల అనేక దురుద్దేశాలతో నడుస్తూ ఉండవచ్చు. అటువంటి అంశాలు వినియోగదారుల రివ్యూల ద్వారానే బయటికి వస్తుంటాయి. అటువంటి కంపెనీల పనితీరును, కంపెనీ తన బాధ్యతలను పూర్తిగా నిర్వర్తిస్తుందా లేదా అనే విషయాలను (నేరుగా) చూసిన వారు ఉంటారు. అటువంటి వారి రివ్యూలను చదవడం మీ నిర్ణయాన్ని బాగా ప్రభావితం చేయవచ్చు.

జీవిత బీమాను ఆన్లైన్లో కొనడం ఎలా?

మీరు ఆఫ్ లైన్లో వివిధ రకాల జీవిత బీమా పాలసీల కోసం వెతుకుతున్నట్లయితే, మీకు కావలసిన ఫలితాన్ని పొందడం చాలా సమయం తీసుకునే కష్టమైన పని. అందువలనే, ఆన్లైన్లో మీరు వెతకడం సులభమైన పద్దతి. ఇది మీకు డబ్బును మరియు సమయాన్ని కూడా ఆదా చేస్తుంది.

కాబట్టి, ఆన్లైన్ కు వెళ్లి కింద చెప్పిన అంశాలను పాటించండి:

1. PolicyX.com కు వెళ్లి, హోమ్ పేజీ పై భాగంలో కనిపించే అంశాలలో ‘జీవిత బీమా’ పథకాన్ని ఎంచుకోండి.
2. ఇప్పుడు కొత్త పేజీలో పైన కుడి వైపున ఉన్న ‘కొటేషన్లు పొందండి’ అంశాన్ని క్లిక్ చేయండి.
3. మీకు కావలసిన ఉత్తమ పాలసీ ఎంపిక కోసం అవసరమయ్యే సాధారణ వివరాలను అక్కడ నింపండి.
4. అత్యుత్తమ బీమా కంపెనీలు అందించే పథకాలను సరిపోల్చుకుని వాటిలో ఉత్తమమైన దానిని ఎంచుకోండి.
5. మీ అవసరాలకు సరిపడే పథకాన్ని ఎంచుకోండి.
6. ప్రతిపాదన పత్రంలో మీ సాధారణ సమాచారాన్ని నింపండి
7. మిగతా చెల్లింపు ప్రక్రియను పూర్తి చేయడానికి మీ డాక్యుమెంట్లను అప్లోడ్ చేయండి.
8. మీ చెల్లింపును అందుబాటులో ఉన్న అనేక చెల్లింపు విధానాలలో ఏదో ఒక దాని ద్వారా చేస్తే మీరు చేయాల్సింది అయిపోయినట్టే. ఇప్పుడు మీరు బీమా చేయబడ్డారు!

ఈ విధంగా, మీకు, మీ కుటుంబానికి మంచి భవిష్యత్తు కోసం సరిపోయే అన్ని ప్రయోజనాలు మరియు అవసరాలను కలిగి ఉన్న ఉత్తమమైన జీవిత బీమా పాలసీని, మీరు ఆనందంగా ఇంటిలో కూర్చునే సులభంగా ఆన్లైన్లో కొనుక్కోవచ్చు.

జీవిత బీమా చెల్లింపును అభ్యర్థించడం ఎలా?

ఇప్పుడు తెలుగులో జీవిత బీమా చెల్లింపును ఎలా అభ్యర్థించాలో తెలుసుకోండి.

బీమా చేయించుకున్న వ్యక్తి మరణించిన పక్షంలో, వారు ఎంచుకుని ఉన్న నామినీ కింది విధంగా చెల్లింపును అభ్యర్థించవచ్చు:

1. వీలైనంత త్వరగా బీమా సంస్థకు, మరణం గురించి, సమయం, ప్రదేశం మరియు మరణానికి గల కారణాల వంటి ముఖ్యమైన వివరాలతో పాటుగా తెలియజేయాలి. 
2. అవసరమైన డాక్యుమెంట్లను మరియు ఆధార పత్రాలను బీమా సంస్థకు అందించడం. వీటిలో బీమా చేయించుకున్న వ్యక్తి యొక్క మరణ ధ్రువీకరణ పత్రం మరియు బీమా సంస్థ ఇచ్చే చెల్లింపు అభ్యర్థన పత్రం ఉంటాయి.
3. అసలు పాలసీ డాక్యుమెంట్లు, అవసరమైన ఇతర పాత్రలతో సహా. 
4. సాక్ష్యుల చేత విడుదల పత్రంపై సంతకాలు చేయించాలి.
5. ఒకవేళ పాలసీ అసైన్ చేయబడి ఉంటే, అసైన్ చేయబడిన వ్యక్తి డాక్యుమెంట్లను అందచేయాలి.
6. నామినీ లేదా అసైన్ చేయబడిన వ్యక్తి కాకుండా మరెవరైనా చెల్లింపును అభ్యర్థిస్తున్నట్లయితే, వారు బీమా చేయించుకున్న వ్యక్తితో తనకున్న సంబంధానికి చట్టబద్దమైన ఆధారాలను చూపించాలి.
7. అవసరమయితే, పంచనామా, ఆసుపత్రి మరియు సంబంధిత డాక్టరు యొక్క నివేదికలను కూడా ఇవ్వాల్సి రావచ్చు.
8. పోలీసు విచారణతో ముడిపడి ఉన్న కేసులలో, విచారణ/సర్వే నివేదిక కూడా అందచేయాలి.

సాధారణ పరిస్థితులలో, చెల్లింపు కోసం, పైన చెప్పిన కొన్ని డాక్యుమెంట్లు సరిపోతాయి, అయితే, బీమా సంస్థ చేసే చెల్లింపు ధ్రువీకరణ/విచారణ ప్రక్రియలో వచ్చిన ఏవైనా సమస్యలను తొలగించడంలో సహాయపడటానికి, ఉద్యోగ పత్రం లేదా ఏవైనా ఇతర పత్రాలు కూడా ఆధారాలుగా ఇవ్వవలసి రావచ్చు.

మీరు జీవిత బీమాను PolicyX.com లో పోల్చుకోవాలా?

తప్పకుండా. అందులో సందేహమే లేదు. ఇది ఐఆర్డీఏ (లైసెన్సు నంబర్: IRDA/WBA17/14) పూర్తి సహకారం కలిగి ఉన్న ఒక సర్టిఫై చేయబడిన బీమా రెగ్యులేటర్. మీరు PolicyX.com పై భరోసా ఉంచటానికి ఇదొక్కటే కారణం కాదు.

• మీరు పైసా ఖర్చు చేయకుండా వివిధ కంపెనీల నుండి ఆన్లైన్లో కొటేషన్లు పొందేలా మీకు సహకరిస్తుంది.
• మీకు పథకాలలో లేదా ప్రీమియంల లెక్కింపులో ఏవైనా సందేహాలు ఉంటే, మీరు ఉచితంగా వారి నిపుణులను సంప్రదించవచ్చు. వారి సేవలు 24*7 మీకు అందుబాటులో ఉంటాయి.

జీవిత బీమా పాలసీకి అవసరమైన డాక్యుమెంట్లు

మీరు ఆన్లైన్లో జీవిత బీమాను కొనాలని అనుకున్నాక, మీరు ఇటువంటి కొన్ని పత్రాలను అందచేయాలి:

వయసు నిర్ధారణ: వీటిలో ఏవైనా - డ్రైవింగ్ లైసెన్స్, 10 లేదా 12వ తరగతి మార్కుల పత్రం, జనన ధృవీకరణ పత్రం, పాసుపోర్టు, ఓటరు కార్డు మొదలైనవి.

గుర్తింపు నిర్ధారణ:  మీ పౌరసత్వాన్ని నిర్ధారించే పాన్ కార్డు, పాసుపోర్టు, డ్రైవింగ్ లైసెన్స్, ఓటరు కార్డు లేదా ఆధార్ కార్డు 

చిరునామా నిర్ధారణ: కరెంటు బిల్లు, టెలిఫోన్ బిల్లు, రేషన్ కార్డు, డ్రైవింగ్ లైసెన్స్ లేదా పాసుపోర్టు, మీ శాశ్వత చిరునామాను స్పష్టంగా కలిగి ఉండాలి.

కొన్ని పథకాలలో, సాధారణంగా 45 సంవత్సరాల కన్నా ఎక్కువ వయసు గల వారికి, ఏ దీర్ఘకాలిక అనారోగ్యమూ లేదని ధృవీకరించడానికి, ఒక వైద్య పరీక్ష అవసరపడవచ్చు.